CAGAYAN DE ORO CITY-Gipakasuhan sa gatusang investors ang giingong utok sa 1K Turns 1,700 IN 10 DAYS online scam sa piskalya ning syudad.
Kini human pakyas nang mahatag sa suspek nga si Antonette Pacana Sestoso, 23 anyos, dalaga nga nagpuyo sa Brgy Kauswagan ning syudad ang saad niini nga payouts sa iyang investors sa miaging semana.
Miingon si National Bureau of Investigation o NBI regional director Atty Patricio ‘Pipo’ Bernales nga kasong syndicated swindling in relation sa kasupakan sa cyber crime law ang ipasaka sa mga biktima batok kang Sestoso.
Dugang ni Bernales nga dili mominus sa minilyong salapi ang nabulsa sa suspek gikan sa investors nga laraw unta nila kuhao’g balik apan lisod nang mabalik ning panahona.
