CAGAYAN DE ORO CITY – Gidumala na’g sugod sa bag-ong gobernadora ang kapitolyo-probinsyal nga si Juliette Uy sa Misamis Oriental.
Pinahaom kini sa kasuguan sa balaod nga mosugod sila sa ilang pagserbisyo sa udto sa Hunyo 30 isip hulip kang kanhi Misamis Oriental Gov. Peter Unabia.
Sa wala pa mosugod sa iyang trabaho si Uy,gihimo una ang usa ka ritwal diin gitahasan niini ang grupo sa mga lumad nga nakabase sa lalawigan.
Kini sa pagtoo nga pagpang-abog sa dimalas ug ubos sa panghinaut nga duyugan sa maayong pagdumala ang liderato ni Uy ngadto sa katawhang-Misamisnons.
Kabahin sa kalihukan sa ritwal mao ang pag-bedisyon sa mga lumad sa mismong buhatan sa bag-ong gobernadora sa silong nga bahin sa dekada 50 nga kapitolyo-probinsyal.
Si Uy kinsa kanhi 3-term congresswoman sa distrito dos sa Misamis Oriental ang pinakaunang babaye nga nakalingkod pinaagi sa pagpili sa katawhan sa Mayo 12 nga piliay ning tuiga.
Hisayrang mihimo pa sa katapusang pagtambong si Unabia sa senemana nga pagpakayab sa nasudnong bandila sa kapitolyo diin siya nagpaabot pasalamat sa mga tawo nga gikakuyog niini sulod sa iyang tulo ka tuig nga pagdumala sa lalawigan kaganihang buntag.
