CAGAYAN DE ORO CITY – Mismo si kanhi City Mayor Oscar Moreno ang mihangyo sa liderato sa konseho nga paluyuhan ug dili hataga’g kalisod ang mga programa nga nakalinya ni City Mayor Klarex Uy ning syudad.
Gihimo sa kanhi mayor ang pag-apelar dungan sa pagtugyan niini sa city govt ngadto sa kanhi kongresista sa unang distrito sa dakbayan.
Miingon si Moreno nga may pipila usab ka departamento nga gibatangan niya’g acting officers lamang may higayon si Uy nga makatudlo sa iyang gusto nga mabutang nga mga empleyado niini.
Dugtong usab niini,mihangyo-lubo si Uy sa konseho ug mga empleyado sa city hall alang sa kooperasyon sa iyang istilo sa pagdumala sa dakbayan.
Gibutyag ni Uy nga prioridad niya ang paghatag sa dinaliang mga batakang serbisyo ngadto sa katawhan nga maoy nagbutang kanila sa katungdanan sa syudad.
Kini ang rason nga kuhao niya ang full cooperation sa tanan ubos sa city govt aron mapun-an niya kon unsa man ang mga programa nga natunol sa Moreno administration nga nahatag sulod sa siyam ka tuig sa dakbayan.
