CAGAYAN DE ORO CITY – Wala paluyuhi ni kanhi City Mayor Oscar Moreno ang kandidatura pagka-punong brgy sa iyang kanhi kaalyado sa politika nga si former City Vice Mayor Kikang Uy kinsa anak ni incumbent City Mayor Rolando ‘Klarex’ Uy sa Brgy Carmen ning syudad.
Kini human mas pabor si Moreno sa kandidatura sa amahan ni 1st District Cong. Lordan Suan nga si Agapito Suan Jr nga maoy mopuli sa mga Uy nga dugay nang nagdumala sa nahisgutang brgy.
Miingon si Moreno nga paborabli ug dagha’g mahimo si Cong.Suan kon naggikan sa ilang panig ang mapili nga brgy kapitan diin siya kasamtangan nang botante sa maong lugar.
Namahayag ang kanhi mayor nga gusto niya makit-an ang kabag-uhan ug ang pagsilbing labing pinaka-maayo nga brgy Carmen sa tibuok syudad nga wala mahimo sa mga Uy sa dugay’g panahon.
Una niini,nabaniug si Moreno ang modagan pagka-brgy kapitan apan pagklaro niya nga mahimong mobalik siya’g sulod sa gobienro apan sa taas nga level of govt service.
Samtang wala ikasakit ni Uy kon ihatag ni Moreno ang iyang suporta sa kandidatura ni Suan alang sa pagka-brgy kapitan sa Carmen ning syudad sa Oktubre 30 ning tuiga.
Miingon si Uy nga nalipay siya sa gihimo ni Moreno kay mas nailhan niya ang tinud-anay nga klase sa pagkatawo niini.
Si Moreno ug Kikang siyam ka tuig nga nag-uban isip mga lideres sa city govt ug naputol lamang igo paghuman sa ilang tagsa-tagsa ka termino sa miaging tuig.
Sa miaging tuig 2018,gipildi sa inahan ni Kikang nga si incumbent Carmen Punong Brgy Rosemarie Lorna Uy si Girlie Balaba nga asawa ni Suan Jr.
