CAGAYAN DE ORO CITY- Gitawag ni Cagayan de Oro City Vice Mayor Kikang Uy nga ‘alimatok’ si Kag Lordan Suan.
Kini tungod sa isyu sa illegal nga pagpahimutang sa commercial billboards sa mga lugar nga gidili unta sa balaod ning syudad.
Miingon si Uy nga nasayod mismo ang pamilya ni Suan nga tag-iya sa Ultra Craft advertising kon unsa ang legal apan daw naghimulos gihapon pinaag sa pagpihig sa katawhan sa dakbayan.
Nabuhi ang maong isyu tungod sa special report ni SK Federation President John Michael Seno nga miani’g init nga reaksyon sa konseho sa miaging Lunes sa hapon.
Samtang pag-abusar sa gahom ang gihimo ni Uy aron lamang dauton ang dignidad sa pamilyang Suan nga anaa sa negosyo sa mga billboard dinhi sa syudad.
Kini ang tubag ni Suan human tawga ni Uy nga daw ‘alimatok’ ang pagpahimulos sa ilang pamilya sa maong negosyo sa dakbayan.
Namahayag si Suan nga gi-imbento lamang kini sa mayoriya nga isyu aron dauton iyang pagkatawo nunot sa isyu nga makatulo na gituki sa konseho.
