CAGAYAN DE ORO CITY – Dili kumbinsido ang Uy transition team nga anaa lang sa sobra 300 milyones pesos ang salaping pondo nga nabilin sa pamunuan ni Misamis Oriental Governor Peter Unabia sa kapitolyo-probinsyal epektibo sa udto sa Hunyo 30 ning tuiga.
Kini human madunggi ni Celso Abucejo,tigpamaba nin incoming Misamis Oriental Gov Juliette Uy nga ang maong pondong anaa sa panudlanan sa kapitolyo-probinsyal sukad pa sa Marso ning tuiga.
Siya miingon nga gusto nila masayran ang pinakabag-o nga financial status sa kapitolyo sanglit Marso pa ang gisampit sa Unabia transition team diin wala mohisgot sa mga nagasto o misulod nga panalapi sa Abril,Mayo ug Hunyo ning tuiga.
Kini ang rason nga mangayo sila sa pinakaulahi nga kahimtang sa panalapi sa kapitolyo sulod sa maong mga bulan.
Kini tungod kay gusto nila nga sihag ang pagdumala sa panudlanan sa kapitolyo sanglit sila ang mopuli sa paghatag sa batakang-serbisyo sa katawhan sa probinsya sulod sa tulo ka tuig.
