CAGAYAN DE ORO CITY- Patay sa pagpanunggab ang uyuan dihang giuna pagluba sa kaugalingong pag-umangkon diha sa Sitio Tibasak,Brgy Macasandig sa syudad kagabii.
Giila ang biktima nga si Ruel Ga-a,49 anyos,ulitawo ug nagpuyo sa maong dapit.
Gibutyag sa imbestigador nga si SPO2 Glenn Pallugna sa Macasandig Police Station nga maoy suspek sa kremin si Joram Caingin,39 anyos,minyo ug nanimuyo sa susamang dapit.
Namahayag si Pallugna nga natinguha ang biktima pagdunggab kang Caingin hinungdan nga nag-inilogay sila sa kutsilyo.
Apan giingong nalupig ang biktima hinungdan nga nadunggaban sa suspek ang dughan ug suwang niini diin nagresulta sa kamatayon.
Ipasaka sa kapolisan batok suspek ang kasong homicide sa piskalya ning syudad karong adlawa.
