CAGAYAN DE ORO CITY – Pagdumot ang gitoohan nga motibo sa kapolisan sa pagtigbas-patay sa uyuan diha sa Sitio Manay, Cawayan, Quezon,Bukidnon.
Miingon si Quezon Police Station commander Major Mitchel Clemencio nga gipatay sa suspek nga si Arnel Obeso, 29-anyos ang iyang uyuan nga si Jaime Obeso, 35-anyos human sila magkalalis sa wala gibutyag nga rason.
Gamit ang sanggot, gitigbas sa suspek ang biktima diin nakaangkon sa nagkadaiyang samad sa kalawasan nga hinungdan sa iyang kamatayon.
Pulos hubog ang biktima ug suspek dihang nahitabo ang krimen.
