CAGAYAN DE ORO CITY-Patay ang usa ka uyuan samtang samaron ang igsoon ingon man mismong duha ka anak tungod sa pagpanunggab ug pagpang-atsa diha sa District 4,Zone 1,Sitio Agong,Brgy Canitoan ning syudad kagabii.
Giila ang namatay nga biktima nga si Romeo Salvador,hingkod ang panuigon,bulag sa kapikas ug nagpuyo sa maong lugar.
Namahayag ang suspek nga si Christian Salvador,29 anyos,ulitawo nga napugos kini pagtigbas gamit sa atsa batok sa uyuan niini tungod kay gilaraw usab patyon sa biktima ang iyang amahan nga si Elisito Salvador kinsa 70 anyos na.
Una niini,gibutyag ni Elisito nga igo lamang gipahaturan niya sa pagkaon ang biktima wala kini midawat ug siya na hinoon ang gidunggab gamit ang kutsilyo.
Samtang pasakaa’g kasong frustrated murder o homicide sa kapolisan ang pag-umangkon nga nakatigbas-patay gamit ang atsa sa kaugalingong uyuan diha sa District 4,Zone 1,Sitio Agong,Brgy Canitoan ning syudad kagabii.
Kini human nagpadayag sa interes ang pag-umangkon nga si Helidera Salvador nga kasuhan ang iyang ig-agaw nga si Christian Salvador tungod sa kamatayon sa ilang uyuan nga si Romeo.
Gibutyag sa imbestigador nga si SPO2 Camaluding Mac-Mac sa Bulua Police Station nga mismo si Helidera ang nag-atiman sa biktima samtang buhi pa kini sa maong lugar.
Kini ang hinungdan nga detinado na sa bilangguan ang suspek samtang gihikay ang mga dokumento pagduso’g kaso sa piskalya sa syudad.
