CAGAYAN DE ORO CITY-Nasikop sa kapolisan ang kanhi piniriso kuyog ang duha ka pag-umangkon diha sa Zayas,Brgy Carmen sa syudad.
Kini nunot sa gilusad nga anti-illegal drugs operation sa kapolisan sa maong dapit.
Giila ni Lumbia Police Station commander Sr/Insp Dennis Ebsolo ang ilang target nga si Santiago Pagtalunan nga residente sa maong lugar.
Sikop usab sa operasyon si Dante Pagtalunan ug usa ka menor de edad diin nakuha kanila ang upat ka sachets sa gitoohang shabu.
Nasuta nga si Santiago ang kanhi piniriso tungod sa kasong pagpangawat ning syudad.
Una niini,giangkon sa suspek nga tigbaliyaan ug tiggamitan usab kini sa shabu hinungdan nga gisikop sa kapolisan kagabii.
