(Update) CAGAYAN DE ORO CITY – Gisang-atan na sa patung-patong nga kasong kreminal ang van driver nga misungag sa ka-engkuwentro nga pickup sa Purok 1,Brgy Mauswagon,Laguindingan,Misamis Oriental.
Kini epekto sa kagsutuhan sa mga tagtungod sa namatay’ng biktima ug pipila ka samaron sa dunggu-ong bangga tali sa high-ace van ug pickup sa maong lugar.
Miingon si Police Master Sgt Jocarlton Trincera,imbestigador sa Laguindingan Police Station nga maoy gikasuhan ang drayber nga si Emmanuel Tobias,minyo nga taga-Lantian,Labangan,Zamboanga del Sur.
Siya miingon nga pasiuna lamang una kini nga mga kaso batok sa mitahan nga drayber.
Namahayag usab kini nga hayan makagawas ra gihapon ang suspek kay pulos mapiyansahan ang mga kaso nga gipang-atubang niini.
Kabahin sa mga namatay sa hitabo sila Bernabe Duque,68 anyos;Reynante Patibig,42 anyos ug Tita Escoro, 61 anyos nga pulos taga-Pagadian City nga sakay sa van samtang apil sa miapas pagkamatay si Alvin Lomongo,55 anyo nga gikan usab sa pickup.
Samtang daghan na sa mga samaron ang nakagawas na sa ospital nga naglakip kang Tobias,Arnold Ebasan nga pickup driver ug ang nagmaneho sa tricab nga si Clifford Caseres nga nadamay sa maong aksidente sa miaging adlaw’ng Domingo.
