CAGAYAN DE ORO CITY – Mag-atubang sa kasong kriminal kon dili makakab-ot sa panagsabot ang pamilya sa babaye’g lalaki nga pulos-patay ug ang agalon sa van driver sa dugu-ong disgrasya sa Purok 4,Brgy Pangayawan,Gitagum,Misamis Oriental.
Giila sa kapolisan ang mga biktima nga sila Christy Rey Achas,52 anyos nga taga -Brgy Lumbia ning syudad ug Racquel Manson,54 anyos nga molopyo usab sa lungsod sa Tagoloan ning lalawigan.
Saysay sa imbestigasyon,giingong kalit nawad-an sa preno ang van nga gimaneho ni Mario Narita nga taga-Iligan City,Lanao del Norte hinungdang naglisod pag-kontrol ug nabanggan si Achas nga nagmaneho sa motorsiklo diin angkas si Manson.
Tungod sa kakusog sa collision impact, dead on the spot ang mga biktima bisan kon managsama sila nakasul-ob sa helmet kagahapong adlawa.
Kon walay ammicable settlement,atubangon ni Narita ang kasong reckless imprudence resulting to double homicide ug damage to property sa piskalya ugmang adlawa. (Pictures ArpaksTV)
