Recommended for recovaction na ang status sa drivers license sa drayber sa van nga nagpositibo sa random drugtest nga gilusad sa Philippine Drug Enforcement Agency (PDEA-10) niadtong Martes Santo, Marso 31.
Gibutyag ni Willie Dacula, Acting Information Officer sa ahensya, nga nagpositibo gihapon sa confirmatory test ang nasampit nga driver, busa ila kining gi-endorso sa Barangay Anti-Drug Abuse Council (BADAC) aron susihon ang severity sa iyang drug addiction.
Girekomenar na sa Land Transportation Office (LTO-10) pinaagi Director Nelson Manaloto ang pagrebokar sa lisensya sa driver.
Gitataw ni Dacula nga dili pa makabalik sa pagbiyahe ang nagpositibo sa ilegal nga druga, bisan wala siya gi-detained.
Mahindumduman nga milusad sa Oplan Harabas 2026 ang PDEA, LTO, LTFRB sa duha ka bus terminals ning syudad niadtong Martes Santo.
