CAGAYAN DE ORO CITY – Wala kasuhi sa mga tagtungod sa namatay’ng babaye’g lalaki ang van driver nga nakabangga niini sa Purok 4, Barangay Pangayawan,Gitagum,Misamis Oriental.
Kini human itug-an ni Police Regional Office 10 spokesperson Major Joann Navarro nga nagka-amicable settlement na ang panig sa pamilya ni Christy Rey Achas nga taga-Brgy Lumbia,Cagayan de Oro City ug Racquel Manson nga residente sa Tagoloan ngadto sa panig sa driver nga si Mario Narita sa Iligan City.
Namahayag si Navarro nga nagkasabot ang duha ka panig kay subay sa imbestigasyon sa Gitagum Police Station nga aksidente ang hitabo.
Dumduman nga pulos kusog ang dagan sa van ug motorsiklo hinungdan sa dugu-ong bangga nga nagresulta sa kamatayon sa duruha.
