Aduna nay katin-awan ang polisiya sa pag-refund sa buhis alang sa mga langyaw nga turista dinhi sa nasod human kini gipamatud-an sa Korte Suprema.
Matod pa ni John Barry T. Tayam, usa ka LPT ug petitioner sa maong kaso, nga dili tanang gipalit sa mga dayuhan ang kwalipikado sa refund tungod kay adunay gitakda nga limitasyon nga 3,000 pesos lamang.
Gidugang pa ni Tayam nga usa sa mga rekisitos alang niini mao ang kinahanglan nga ang mga produkto pagadad-on sa mga langyaw gawas sa Pilipinas sulod sa 60 ka adlaw gikan sa pagpalit niini.
Hinoon, kini nga lakang giisip nga usa lamang ka insentibo aron madasig ang turismo ug dili kini nagpasabot nga exempted na sa pagbayad og buhis ang tanang mga butang nga paliton sa mga turista sa nasod.
