Pakyas man nga mapaboran ang gihimong petisyon ni John Barry T. Tayam, usa ka LPT ug petitioner, apan gidayeg niya ang desisyon sa Korte Suprema nga nag-uphold sa constitutionality sa paghatag og value-added tax refund ngadto sa mga langyaw nga turista sa nasod.
Gitin-aw ni Tayam nga pinaagi niini, naila na karon ang legalidad sa paghatag og refund sa VAT alang sa mga foreign nationals nga mamalit og lokal nga produkto, diin nakita sa Korte Suprema ang importansya sa maong lakang alang sa pagpalambo sa turismo sa Pilipinas.
Dugang pa niini, gipunting sa maong petitioner nga magsilbi kining bag-ong jurisprudence o giya sa legal nga sistema nga makatabang sa pagpaklaro sa mga polisiya sa buhis sa mga negosyante, accountant, ug mga corporate lawyer.
malaumon matod pa siya nga kini nga kalamboan maghatag usab og mas lawom nga pagsabot alang sa mga estudyante sa abogasya mahitungod sa pagpatuman sa balaod ug sa Equal Protection Clause sa atong nasod
