CAGAYAN DE ORO CITY – Makapalig-on sa dugang pagtoo sa mga kristiyanos ngadto sa Diyos ang presenya sa tag-as nga mga opisyales sa simbahang Katoliko nga nagtigom dinhi sa Mindanao partikular ning syudad.
Ingon ani ang paghulagway sa vicar general sa Archdiocese sa Cagayan de Oro nga si Msgr Perseus Cabunoc,SSJV nunot sa padayong plenary assembly sa Catholic Bishops Conference of the Philippines o CBCP sinaksihan sa duha ka Vatican officials.
Miingon si Cabunoc nga tungod sa pagpili sa CBCP nga mahimong venue ang syudad sa ilang katiguman,nagkahulugan usab kini sa dugang kadasig sa mga debotong Kristiyano nga nakabase dinhi sa Mindanao.
Dumduman nga una nang nagpadayag sa tumang kalipay ang kagamhanang lokal ubos ni City Mayor Rolando ‘Klarex’ Uy nga napii sa CBCP ang syudad aron pahigayunan sa ilang katiguman diin nagbisita usab ang duha ka Vatican officials.
