CAGAYAN DE ORO CITY – Gipangunaya’g sugat ni City Mayor Rolando ‘Klarex’ Uy ang duha ka Vatican officials nga representasyon ni Pope Francis sa airport sa Laguindingan,Misamis Oriental kagahapon sa hapon.
Kini human nahidangat sila Vatican’s Secretary of States Archbishop Paul Gallagher ug Papal Nuncio of the Philippines Arcbishop Charles Brown gikan sa kauluhan aron hinagbuon ang 90 ka arsobispo nga nagpaubos sa holy retreat sa Malaybalay City,Bukidnon.
Miingon ang tigpamaba sa mayor nga si Janboy Actub nga hulaton sa city govt ang paghidanghat sa Vatican officials kuyog na ang CBCP officials sa syudad ugmang adlawa alang sa opisyal pagsugod sa ika-128 nga plenary assembly.
‘Permente gyud suportado ni Mayor Klarex Uy ang tanang mga aktibidadis kay usa siya sa dunay lig-ong debosyon sa simbahang Katoliko.Gani,suwerte kaayo ang Cagayan de Oro kay sa kadaghang mga syudad sa Pilipinas,kini ang gipili sa CBCP nga himuan sa ilang plenaryo-asembliya.’
Ugma sa gabii,tanyagan sa city sponsored dinner ang mga opisyal sa simbahang Katoliko nga gipili ang syudad aron pahigayunan sa pinakaunang CBCP plenary assembly nga wala sukad mahitabo sa kasaysyan sa Mindanao.
Dugtong niini,walay bisan unsa nga bahad sa seguridad nga nasagapan apan dili inaug sa Police Regional Office 10 ang ilang gihatag nga seguridad ngadto sa Vatican officials nga makighimamat sa mga arsobispo sa Catholic Bishops Conference of the Philippines o CBCP sa Malaybalay City,Bukidnon.
Miingon si Police Maj Joann Navarro,tigpamaba sa Police Regional Office 10 nga plantsado nang daan ang security implementation plan alang sa kalihukan rason walay angay ibalaka sa seguridad sa mga bisita.
Hisayrang kutob pa sa petsa 8 ning bulana ang Vatican ug CBCP officials ning syudad ayha manguli sa ilang tagsa-tagsa ka hurisdiksyon.
