CAGAYAN DE ORO CITY – Kalabutan sa gidiling droga ang kabahin sa gitutukan sa mga otoridad kon nganong gipusil-patay ang canvasser sa vegetable landing area sa Bulua Westbound Terminal,Brgy Bulua ning syudad.
Kini human nakarekober ang kapolisan sa gitoohang gidiling droga gikan sa posisyon sa biktima nga si Nebel Brion Liponhay nga gikan pa’g kauluhan apan nagpuyo sa Brgy Bayabas ning syudad.
Gibutyag ni Maj Evan Viñas,tigpamaba sa Cagaya de Oro City Police Office o COCPO nga gitahasan nila ang tropa ni Bulua Police Station commander Maj Jerson Estanilla nga sulbaron ang hitabo aron masuta ang rason sa kremin.
Hisayrang gipusil-patay ang biktima sa wala mailhing mga suspek kagahapong adlawa.
