CAGAYAN DE ORO CITY-Kasuhan sa double homicide, multiple physical injuries ug damage to property ang drayber sa ten-wheeler trak nga nakabangga sa tricab nga gikamatay sa duha ka tawo sa Upper Puerto ning syudad.
Sumala ni Puerto Police Station commander C/Insp Evan Vinias nga ila nang gikasuhan ang suspek nga si Reymond Sagumpay 22 anyos nga taga-Malitbog, Bukidnon, kinsa drayber sa ten-wheeler trak.
Una niini, napagngan sa makina ang truck hinungdan nga nasugat niini ang tri-cab nga gimaneho ni Rowen Alconde nga gikamatay ni Danilo Damalerio samtang ang usa pabiling wala pa maila ning panahona.
Pabilin usab nga nagpaalim sa balay-tambalanan ang mga naangol nga sila si Axcel Laginia,13 anyos, Lilia Laginia, 39 anyos ug Roel Alcuna nga pulos nagpuyo sa Purok 1, Brgy Balubal sa syudad.
