CAGAYAN DE ORO CITY-Himoon ang ikaduhang imbestigasyon sa tulo ka komitiba sa Kamarabaha kabahin sa kontrobersyal nga pagpalusot sa kapi’g 5-mik ka tonelada nga basura gikan South Korea padulong diha sa Brgy Sta Cruz,Tagoloan,Misamis Oriental.
Miingon si Mindanao International Container Terminal o MICT collector John Simon nga maoy mangulo sa imbestigasyon ang mga komitiba sa ecology,good government ug local government nga himoon diha sa Marco Hotel sa Brgy Cugman sa syudad karong buntag.
Dugang ni Simon nga sa dili pa himoon ang ikaduha nga imbestigasyon ning adlawa,gisusi una sa mga kongresista nga miembro sa maong mga komitiba ang mismong mga basura sa Verde Soko Philippines Industrial Incorporated sa maong lugar kagahapon sa hapon.
Samtang nakasaway si Iligan City Lone district Congressman Frederick Siao sa kompanyang Verde Soko Philippines Industrial Incorporated dihang nakita ang tone-toneladang basura sa Brgy Santa Cruz, Tagoloan, Misamis Oriental.
Kini human kumbinsido si Siao nga dili plastic processing ang katuyuan sa Verde Soko apan paghimong basurahan sa Pilipinas ilabina diha sa Misamnis Oriental.
Si Siao ang unang mihimo’g previlege speech kabahin sa nadiskobre sa Bureau of Customs nga basura sa hawanan sa Kamara niadtong hinapos nga bahin sa tuig 2018 rason miduso’g resolusyon si Misamis Oriental 2nd District Cong. Juliette Uy alang sa imbestigasyon.
