CAGAYAN DE ORO CITY-CAGAYAN DE ORO CITY-Nakakita’g mga alyado ang kontrobersyal nga Verde Soko Philippines Industrial Corporation sa ilang giatubang nga isyu sa pagpasulod sa imported nga mga basura sa Misamis Oriental gikan sa South Korea ug China.
Kini human unang gibutyag sa nagkadaiyang ahensiya nga naglakob sa inspection team nga ilegal ang kapin 5-mil ka tonelada sa basura ug nagdala sa peligro sa panglawas sa tawo ug kinaiyahan sa lungsod sa Tagoloan ning lalawigan.
Gibutyag ni Atty Julius Lotilla, board of trustees sa grupong Sustainable Energy and Enterprise Development for Communities nga sukwahi sa gipamugos sa MisOr SP members nga peligro’g epekto ang imported nga basura apan wala kini baho dihang iyang gisimhutan.
Bisan si Let’s Do It! Philippines regional coordinator Jessica Wu ang nangugat usab nga walay dala nga kadaot sa kinaiyahan ug panglawas sa tawo ang kargamento sa maong kompanya.
