CAGAYAN DE ORO CITY-Wala hatagi sa Enviromental Management Bureau sa DENR-10 sa import clearance ang duha ka shipment nga iya sa VERDE SOKO Philippines Industrial Corporation sa Tagoloan, Misamis Oriental.
Kini ang gibutyag ni EMB-10 regional director Sabdullah Abubakar human naka-abot na sa Mindanao International Container Port sa Tagolaon ang ikaduhang shipment sa basura nga gikan pa sa Pyongteak, South Korea.
Susihon sa EMB ang alegasyon sa environmental groups nga kargado sa hazardous materials ang giingong containers nga puno sa basura.
Kung mahinumduman nga gitin-aw ni Korean company manager Rosalinda Namata nga legal ang ilang gi-entrahan nga memorandum of understanding tali sa Phividec Industrial Authority.
Gipakita usab ni Namata ang ilang gihuptan nga Red Ribbon Certificate nga gihatag sa Philippine Embassy sa South Korea.
