CAGAYAN DE ORO CITY – Gipasalig sa South Korean govt nga makuha ang 5-mil ka toneladang basura sa Verde Soko sa Setyembre ning tuiga pa.
Kini ang giingong tubag sa gihimong follow up sa grupong EcoWaste Coalitions sa saad sa Korean govt nga kuhaon nila’g balik ang mga basura nga gipondo diha sa Tagoloan ning lalawigan.
Miingon si EcoWaste Coalitions national coordinator Aileen Lucero nga wala’y gitumbok nga petsa ang Korean govt kon kanus-a ang pag-abot sa barko sa Pilipinas nga kargahan sa maong mga basura.
Una nang nasubo si Lucero sa pagkasunog sa mga basura,rason,suportado si Misamis Oriental 2nd District Rep Juliette Uy nga mohimo’g congressional inquiry sa hitabo.
