Napili ang Vietnam nga mahimong host sa ika-75 nga edisyon sa Miss World.
Ang pag-anunsyo sa host city, gi-anunsyo dungan sa gipahigayong Miss World Vietnam 2026 pageant niadtong Miyerkules, Marso 25.
Kini ang unang higayon nga usa ka nasud sa Southeast Asia mahimong host sa pinakadaku nga international beauty contest.
Subay sa kasaysayan, napahigayon na sa Vietnam dagkong indigay sama sa Miss Earth niadtong 2010 ug 2023, Miss Universe niadtong 2008, ug Mister World niadtong 2024.
Didto usab nakabase ang duha ka bag-ong international competitions nga “Miss Cosmo” ug “Miss Charm.” Wala pa’y beauty queen gikan sa Vietnam nga nakadaog sa Miss World, ug ang labing taas nga ranggo nga nakuha nila mao ang Top 11 niadtong 2015.
Hisayran nga ang hosting sa Miss World 2026 nagtimaan sa mas lawom nga papel sa Vietnam sa kalibutan sa pageantry.
