CAGAYAN DE ORO CITY, Philippines – Mipanaw na si kanhi Vietnamese lider – Nguyen Phu Trong sa edad nga 80. Segun sa report, nabugto ang kinabuhi sa iladong “servant leader” human wala na maka-agwanta sa dugay nga sakit.
Nahitabo ang pag-anunsyo sa kamatayon ni President Trong pipila ka adlaw human siya miluwat sa iyang puwesto.
Iyang gitugyan kang Presidente To Lam ang iyang posisyon tungod sa iyang balatian.
Sukad sa 2011 si Trong nahimong heneral nga kalihim sa nagharing Partido Komunista sa Vietnam.
Sa maong panahon, temporaryo siyang nahimong presidente gikan sa 2018 hangtod 2021.
Naila ang iyang liderato pinaagi sa iyang lig-on nga kampanya sa bisan unsang matang sa kurapsyon.
Usa sa nagpadala’g dakung pag-uswag sa Vietnam mao ang ilang lig-ong bilateral partnership sa nasud sa Estadus Unidos
