Dili kontento si Bobby Villaluz, local election initiative coordinator o LEI sa PPCRV (Parish Pastoral Council for Responsible Voting), sa gi-anunsyo sa DOJ ug rekomendasyon sa NBI nga pakasohan ang 21 ka indibidwal nga gituohang nalambigit sa flood control scandal sa nasud.
Sumala ni Villaluz, wala kasuhi ang gitoohang pinaka-principal o utok sa korapsyon ang maoy angayan manubag. Gibutyag ni Villaluz nga ang korapsyon sa nasud usa ka kanser nga dugay nang naglungtad.
Kini ang rason nga nanghinaot siya nga dili na kini muabot sa stage 4 nga lisod na tambalan. Hisayran nga kanunay nagpadumdum ang PPCRV sa katawhan nga dili ibaligya ang boto, kay mao kini ang tinubdan sa korapsyon nga dugay nang sistema sa nasud.
