CAGAYAN DE ORO City, Philippines – Mukabat sa 900,000 pesos ang damyos sa pagkasunog sa VIP Hotel nga nahimutang sa Velez Sts., ning syudad, karong buntag
Miingon si Cagayan de Oro Fire District Chief of Operation – Fire Senior Inspector Kyle Lauzon nga unang midilaan ang lobby sa hotel bandang 5:46 sa kadlawon ug napalong ang kalayo 7:16 sa buntag.
Paspas nga napagawas ang 21 ka mga indibidwal gikan sa siyam ka mga kwarto, kinsa nagcheck-in niadtong tungura.
Namahayag ang tagdumala sa VIP Hotel nga abagahon nila ang gasto sa pagpabakwit ug na perwisyo nga mga kostumer padulong sa Maxandrea Hotel, sa Cogon ning syudad.
Angol sa insidente ang sekyu nga nakalanghab sa daghang aso ug gilayong gi-oxygen. Samtang samaran ang usa ka kostumer humam magpanic.
Blangko pa ang mga otoridad sa hinungdan sa sunog.
