Gikondinar nila Senators Risa Hontiveros,Win Gatchalian ug Joel Villanueva ang daw pagtratar kang dismissed Bamban,Tarlac Mayor Alice Guo nga usa ka celebrity dihang gi-extradite kini sa nasud sa Indonesia kagahapon.
Sa pag-deport kang Guo sa Pilipinas, nabantayan sa nag-imbestigar nga komite sa kaso ni Guo ang daw VIP status.
Maoy gikalagot sa mga senador ang pagpangayog groupie ug pakig-selfie kang Guo gikan mismo sa mga trabahante sa Bureau of Immigration nga mi-eskorte pabalik kaniya sa nasud.
Nag-viral usab ang hulagway nga sobra-sobra ang kadaku sa ngisi ni Guo nga gipatungaan nila DILG Secretary Benhur Abalos ug PNP Chief General Rommel Marbil.
Sa post ni Hontiveros iyang gipadumduman ang nag-asister nga mga empleyado sa gobyerno nga pugante si Guo ug dili celebrity.
Una niini, halos magbaha ang peace sign ni Guo sa pag-atubang sa lente sa camera ug halos walay kasub-anan nga makita sa iyang mga lihok taliwala nga prisohan sa senado ang ilang unang landingan. (Bombo Anne Quileste).
