CAGAYAN DE ORO CITY – Walay sala ang pipila ka political officials ug bisan ang ubang dakong mga opisyal sulod sa gobierno kon gikakita o gikauban nila sa sa pipila ka kalihukan ang presensya sa pinangita sa China nga si Tony Yang.
Kini ang katin-awan ni Citizens Watch for Good Governance o CWGG 10 convenor Atty. Antonio Soriano kabahin sa mikatag nga mga hulagway nga makita si Yang kuyog sa magkalahing okasyon si incumbent City Mayor Rolando ‘Klarex’ Uy ug bisan si kanhi Mayor Oscar Moreno sa dakbayan.
Miingon si Soriano nga dili trabaho sa govt offiicals nga sukit-sukiton pa ang mga tawo nga gikakita nila sa matag-okasyon ilabina kon managsama sila nga mga imbitado.
Hisayrang gitug-an ni Senadora Risa Hontiveros nga dunay atraso kabahi nsa financial scamming si Yang didto sa China.
