Wala mopatim-aw ang online content creator nga si Cherry White sa gipatawag nga hearing sa buhatan sa Land Transportation Office o LTO.
Mahinumduman nga gisuspenso ang iyang lisensya dihang nag viral ang iyang video nga gipataas ang iyang usa ka tiil, ug nagsayaw-sayaw samtang nagmaneho sa sakyanan.
Gitawag ni Department of Transportation (DOTr) Secretary Vince Dizon ang vlogger isip iresponsable ilabe na nga daghan siyag followers, ug dunay posibilidad nga kopyahon ang iyang sayop nga binuhatan.
Gitratar usab ni Dizon ang hitabo isip dakung kalapasan sa usa ka content creator.
Sa katapusan gi-awhag sa opisyal ang tanan drayber nga magpukos sa pagmaneho ug dili awaton ang gihimo sa maong vlogger.
