Mipalag ang social media vlogger nga si Jack Argota kalabot sa posibleng pag-subpoena kaniya sa National Bureau of Investigation (NBI). Subay sa report, si Argota gi-akusaran nga nagpakatag sa peke nga medical record ni Presidente Ferdinand Marcos Jr. Sa iyang post sa Facebook, naghatag siya’g mga tirada nga reaksyon, ug una niyang gibatikos si Atty. Jesus Falcis samtang iyang gipanalipdan ang kaugalingon. Ingon pa niya, open quote —- “Umeksena nanaman ning si ɓaƙlang jesus.” —- close quote. Unang namahayag ang abogado nga adunauy duha ka klaro nga posibleng sala si Argota. Usa niini ang pag-post sa giingong peke nga medical record sa Presidente nga posibleng nakalapas sa medical ug data privacy laws; ug ikaduha, ang pagpanghatag sa balita nga adunay “kanser” si Marcos Jr., nga giisip nga fake news ug wala man sa medical record. Gisupak sa vlogger ang pahayag sa abogado ug namugos nga nakit-an ra niya ang dokumento sa social media ug iyang gi-enhance gamit ang ChatGPT. Kagahapon laing tirada ang gipost ni Argota ug iyang gipamugos nga “ngo-ngo” siya gumikan sa ilang cleft lip ug gikondinar ang mga nanghinaway kaniya nga dili masabtan ang iyang mga gipamulong.
