Gibasol ni Davao City Vice Mayor Sebastian “Baste” Duterte si Presidente Ferdinand Marcos Jr sa pagbungkag sa Presidential Anti-Corruption Commission (PACC) nga mugna sa iyang amahan nga kanhi Presidente Rodrigo Duterte.
Si VM Baste, kinsa atua sa the Hague, Netherlands, mipagawas sa iyang kalagot kang Marcos tungod kay tolo na ka tuig kining nagpungko ug wala gi-aksyonan ang pagpangurakot sa mga opisyales sa DPWH kalabot sa mga gi-ugbok nga flood control projects ubos sa iyang administrasyon.
Hisayran nga ang PACC o Executive Order No. 43.maoy usa sa haligi sa Duterte Administration tungod kay ubay-ubay ka mga BOC, ug DBM ug BIR officials ang napalagpot sa iyang amahan gamit ang nasampit nga mandato tuig 2017.
