CAGAYAN DE ORO CITY – Subli mihangyo si City Mayor Rolando ‘Klarex’ Uy sa liderato ni City Vice Mayor Jocelyn ‘Bebot’ Rodriguez nga tabangan ang iyang pagdumala aron mas mapasayon ang pagtunol sa mga batakang serbisyo sa katawhan sa dakbayan.
Kini tungod kay kon motigbabaw ang ilang kolor sa politika,malimitahan usab ang pagpabangon sa kahimtang sa dakbayan nga grabeng naigo sa pandemya sa COVID-19.
Miingon ang mayor nga usa sa mga importanteng ipakusog niini ang pagpadaghan sa mga negosyante aron madugangan ang mga patigayon nga mo-resulta sa dakong ihap sa katawhan ang makasulod sa trabaho sa dakbayan.
Samtang,dili mahitabo nga mag-unify o magkahiusa ang liderato ni Rodriguez ug Uy samtang sila tagsa-tagsa nga mosilbi sa katawhan sa dakbayan.
Giklaro ni Rodriguez nga managsama sila ni Klarex nga nangalagad rason nga ipatuman nila ang mga programa nga haom sa ilang mga buhatan nga gi-representahan.
Apan giklaro sa bise-mayor nga dako ang iyang pagtahod kang Uy isip labing taas nga opisyal sa dakbayan.Sa miaging semana,gihinagbo ni Rodriguez ang mayor isip pagmatood sa iyang pagrespeto niini.
