CAGAYAN DE ORO CITY – Kompleto sa ebidensiya si Vice Mayor Peter Unabia nga magpamatood nga residente siya sa Gingoog City .
Kini ang subli nga reaksyon ni Unabia nunot sa gihimong pagkanselar sa Comelec sa iyang certificate of candidacy tungod sa ‘lack of residency’ nga petisyon nga giduso ni former Gingoog councilor Miguel Paderanga.
Si Unabia miingon nga daghang mga proof of billing nga iyang gihuptan nga naka-address sa Gingoog City lakip na ang building permit sa balay nga iyang gitukod.
Una nang giakusahan ni Paderanga si Unabia nga wala niya makuha ang minimum residency requirement sa balaod sa pagduso sa kandidatura.
