Giila sa City Local Environment and Natural Resources Office o CLENRO ang mga bulan sa Agosto tungod sa kapistahan, ug ang bulan sa Disyembre isip pinaka-kritikal nga mga panahon diin motaas gayud ang volume sa basura sa syudad.
Matod pa kay CLENRO Manager Bing Mabilen, base sa ilang rekord, dako kaayo ang pagtaas sa basura sa maong mga bulan, ilabina sa Divisoria, Boulevard, ug Gaston Park diin gihimo ang mga dagkong kalihokan.
Gawas pa sa mga kasaulogan, gitin-aw usab sa opisyal nga ang pagdagsang sa supply sa mga komodidad ug gulay sa merkado maoy laing hinungdan sa pagdaghan sa kargada sa basura.
Busa karong pista sa dakbayan, gihagit ni Mabilen ang tanan nga himuong kinaiya ang pagkahimong responsableng konsumante aron magpabiling hapsay ug malipayon ang atong syudad.
