CAGAYAN DE ORO CITY – Dili na maputol pa ang nagkadaiyang hinangal matag-lusad sa eleksyon sa Pilipinas hangtod nga dili mahingpit ang pag-usab sa batakang balaod.
Kini ang dismayado nga pahayag ni CWGG 10 convenor Atty. Antonio Soriano kabahin isyu sa naghinobrang vote buying ilabina dinhi sa dakbayan.
Gikompirmar ni Soriano nga pipila sa iyang mga trabahante ang mismong nakadawat sa nilibong mga salapi gikan sa mga kandidato sa distrito uno ning syudad.
Siya miingon nga kung adunay angay basulon sa vote buying,walay lain apan ang kaliwatang-Pilipihon kay dugay’ng panahon nga wala putla ang daghang hiwi nga bihutatan sa matag-eleksyon.
