CAGAYAN DE ORO CITY – Gisupak sa grupong Citizens Watch for Good Governance o CWGG ang gipamugos sa Commission on Election o COMELEC nga ‘clean and honest elections’.
Sa interbyu sa Bombo Radyo, namahayag si CWGG convenor Atty Antonio Soriano nga wala sukad nakab-on sa poll body ang limpyo ug matinud-anon nga piliay tungod kay nagpadayon ang kultura sa pagpamaligya ug pamalit sa boto.
Gidapigan ni Soriano ang expose nga gipalugwa Pastoral Pastoral Council for Responsible Voting o PPCRV nga ang vote buying usa ka tin-aw nga kamatuuran nga nagpadayon ang kurapsyon sa nasud.
Gumikan niini, gi-awhag ni Soriano ang mga botante nga dili magpalingla sa mga kandidato nga mupalit sa ilang nag-inusarang boto. (VC CUE .. OUT) Ang tingog ni CWGG convenor Atty. Antonio Soriano.
