CAGAYAN DE ORO CITY – Imbestigaran sa kamarabaha ang kuwestiyonableng pagsaka sa ihap sa mga botante nga namalhin sa ilang rehistro padulong sa Brgy Carmen ning syudad.
Kini human gibulgar ni Cagayan de Oro 1st District Cong.Lordan Suan atol sa iyang privilege speech nga kabahin ang syudad nga adunay dili katoohan nga pagsulbong sa mga rehistrante gikan sa nagkadaiyang brgy ug kalungsuran sa Misamis Oriental sa miaging registration campaign sa Commission on Elections.
Miingon si Suan nga makonsidera nga anomaloso ang maong kalihukan ug angay lang manubag mga politico nga nagpaluyo niini pinaagi sa paglugwa sa brgy certification aron ipatoo nga molopyo sa Brgy Carmen.
Gilayong gipasa sa liderato sa kamara sa committee on rules ang isyu ni Suan alang sa dugang pagtoon.
