CAGAYAN DE ORO CITY – Kutob na lang ning adlawa ang pagsulbad sa isyu sa kalit pagsaka sa ihap sa bag-ong mga botante sa Brgy Carmen ning syudad.
Kini subay sa mando ni Comelec chairman Atty George Garcia kabahin sa reklamo sa panig ni Cagayan de Oro 1st District Cong. Lordan Suan batok sa giingong mani-obra sa kampo ni incumbent Carmen Punong Brgy Kikang Uy.
Miingon si Comelec-MisOr Provincial Election Supervisor Atty Carlito Ravelo nga angayang masulbad na ang maong isyu kay aron maselyuhan na ang kumplentong listahan sa mga botante nga makabotar sa 2025 elections sa syudad.
Una ang miangal si Suan sa 21-mil ka bag-ong botante nga nadugang sa Brgy Carmen nga alang kaniya dakong imposibleng mahitabo sugod Pebrero hangtod Setyembre ning tuiga.
