Nagduda si Bise Presidente Sara Duterte sa “timing” ug sa mismong lugar kung asa gihimo ang pilot implementation sa tag 20 pesos per kilo nga bugas sa Department of Agriculture.
Namahayag si VP Sara nga nakadawat siya’g impormasyon nga gitapok ni Presidente Bongbong Marcos ang tanan gobernador sa Visayas kay kulang silang ihap sa mga supporters alang sa mga senatorial bets sa administrasyon.
Namugos ang Bise Presidente nga tataw nga klase kini sa in-direct vote buying aron makadani sa suporta alang sa mga kandidato sa administrasyon.
Namugos si Duterte nga usa ka klase sa pagpangilad ang ilusad nga programa ug iyang gi-awhag ang taga Visayas nga dili na magpabudol subli sa administrasyon.
Una niini, miwitik pa sa pamahayag ang bise presidente nga kinig tag 20 pesos per kilo nga bugas, usa lamang ka “election promise” diin kini limitado lamang samtang aduna pay eleksyon.
Ang bise presidente mismo ang nagpahimangno sa publiko nga bantayan ang kalidad sa bugas ug ang motibo sa programa.
