Gisaway ni kanhi Senador Antonio Trillanes IV si Vice President Sara Duterte nga adunay sakit sa paminsar.
Gihimo ni Trillanes ang kritisismo human siya mitambong sa House Committee on Justice Hearing kalabot sa impeachment complaints ni Vice President Sara Duterte.
Sa ambush interview subli gipalanog ni Trillanes nga kinahanglan masayran sa tibook Pilipinas kung unsa ka peke ang Pamilya Duterte kay sila gadawat sa salapi o “drug money” gikan sa iladong druglord nga si Sammy Uy.
Mahinumduman nga base sa iyang expose mi-akusar si Trillanes nga si kanhi Presidente Rodrigo Duterte ug ang iyang pamilya nakadawat sa P181 milyon gikan sa drug lord.
Gipangugat kini ni Trillanes, nga ang iyang anak nga si Vp Sara nakadawat sa P22.3 milyon, samtang si kanhi Presidente Duterte nakadawat sa P15.65 milyon.
Miakusar usab si Trillanes nga si Davao City Mayor Sebastian Duterte giingon nga nakadawat sa P51.5 milyon, ug si Rep. Paolo Duterte sa P38.3 milyon.
Wala palabya ni Trillanes ang common law wife ni Duterte nga si Honeylet Avanceña ug ilang anak nga si Veronica Duterte nga giingon nga nakadawat sa P53.27 milyon sa lain-laing transaksiyon.
