Gihimakak ni Vice President Sara Duterte ang gipasi-atab nga impormasyon sa kamarabaha nga siya wala nasud.
Gihimo sa bise presidente ang pamahayag aron hatagan sa katin-awan ang binotbot ug tsismis nga iyang gitoohang gipakatag sa iyang mga kontra sa politika sulod sa kongreso.
Huwebes sa gabie, Agosto 7, mitambong ang bise presidente sa dakung tigom sa Davao ug midawat sa media interviews aron supakon ang pamahayag ni Communications Undersecretary Atty Claire Castro nga nag-ingon nga milupad sa Kuwait ang bise presidente nga walay gipasa nga travel authority sa Malacañang.
Nagtoo si Duterte nga gihimo lang kining panakip-butas sa gobyerno ilabe na nga senado ug korte suprema na ang magpasabot sa katawhan sa iregularidad sa proseso sa pagpa-impeach kaniya sa Kamarabaha niadtong Pebrero.
