Mipasidaan si Vice President Sara Duterte sa mga langyaw nga puwersa nga nagpahuyang sa sistema sa hustisya sa nasud, ilabe na niadtong gibalhog ang iyang amahan sa International Criminal Court (ICC). Tipik kini sa pahayag sa bise presidente sa iyang pagtimbaya sa ika-81 nga adlaw’ng natawhan sa iyang amahan nga si kanhi Presidente Rodrigo Duterte. Iyang gipadumduman ang katawhan nga kinahanglan nga magpabiling mabinantayon batok sa paggamit sa balaod isip armas ug sa dili konstitusyonal nga pagsulod sa mga langyaw nga lawas nga nagtinguha nga malaktawan ang atong kaugalingong mga korte. Taliwala nga wala pa makab-ot sa ilang pamilya ang tinguha nga mapabalik sa Pilipinas ang iyang amahan, nagpasalamat gihapon ang bise presidente sa daghang support groups nga midumdum sa selebrasyon birthday sa iyang amahan, dili lang sa Pilipinas, apan sa ubang bahin sa kalibutan.
