CAGAYAN DE ORO CITY-Gikulang karon sa limpyo nga tubig-mainom ug pagkaon ang mil-30 o 227 ka pamilya nga mga bakwit nga gikan Marawi City ug nagpasilong sa evacuation center sa Brgy Maria Cristina,Iligan City.
Kini bisan nga personal nga gibisita ug gihatagan sa mga ayuda ni Vice Pres Leni Robredo ang mga bakwit sa miaging adlaw.
Gibutyag ni evacuation center camp manager Norma Balanay nga hayan musaka pa ang ihap sa mga bakwit tungod sa wala pa’y undang nga paghikling niini gikan sa Marawi City nga gihasi sa mga terorista.
Samtang nagkagubot ang pipila ka Maranao Muslim evacuees nga gipasilong sa Brgy Buruun Fisheries Evacuation Center,Iligan City.
Kini ang gitug-an ni CSWD-Iligan City Officer Vicente Flores.
Matud pa ni Flores nga magsugot ang kagubot sa bikil sa istorya nga musampot sa pagsinukliay sa kumo. Gani,dili lamang mga lalaki ang gasinumbagay apan lakip babaye ang gabugno.
Kini ang rason kung ngayon gipostehan sa ubay ubay ka ihap sa police ang ganghaan nga bahin sa usa sa labing dakung evacuation center sa Iligan.
Dugtong niini, gibutyag ni Flores nga pakyas nga makabisita si Robredo sa Brgy. Buruan. Sa pagkakaron, muabot na sa 364 pamilya o mil- 546 indibidwal ang nagpasilong sa nasampit nga barangay.
