CAGAYAN DE ORO CITY-Gikasubo ni Vice Pres Leni Robredo ang nahitabong pagpamomba nga gikamatay sa 22 ka tawo samtang 112 ang samaron sa Jolo,Sulu.
Si Robredo miingon nga nagpamatood lamang nga wala pa hingpit makab-ot sa Mindanao ang kalinaw taliwala paman sa nagmalampuson nga Bangsamoro Organic Law plebiscite nga gipahigayon sa miaging adlaw.
Asoy pa ni Robredo nga naglaum siya nga mahuman na ang kagubot sa Mindanao kun ugaling mahuman na ang botasyon sa BOL plebiscite sa Lanao del Norte sa Pebrero 6 ning tuiga.
Una usab niini,kusganong gikondinar ni Robredo ang hitabo ilabina nga naningkamot pag-ayo ang gobyerno alang sa kahusay ug kalinaw sa Mindanao.
