CAGAYAN DE ORO CITY – Dili angay ikasakit ug magsilbing emosyonal si Vice Pres Sara Duterte kon gi-kuwestiyon ni Sen Risa Hontiveros ang P10 million budget alang sa mga libro nga libreng ipanghatag sa kabataan palibot sa nasud.
Kini human gitubag ni VP Sara nga naghinobra ang pagpamolitika ni Hontiveros bisan sa pagtuki sa gipangayong pondo alang sa Office of the Vice President sunod tuig.
Miingon si kanhi City Mayor Oscar Moreno nga inosenteng pangutana lang ang gibuhian ni Hontiveros apan nagpasulabi ang emosyon ni VP Sara hinungdan nga nagkatubag sila sa OVP budget hearing sa senado ning semanaha.
Apan namahayag usab si Moreno nga angayang tutukan usab sa gobierno ang daghang kakulangon sa DepEd kay naulahi na kini pag-ayo sa international ranking pag-abot sa edukasyon.
