CAGAYAN DE ORO CITY – Dili direktang atraso ni kanhi DepEd secretary Vice Pres. Sara Duterte kon dunay daghang kapalpakan ang ahensiya partikular scholastic peformance sa mga tinun-ang pang-publiko sa nasud.
Kini ang pagpasabot sa giila nga ‘education champion’ nga si Xavier University law professor Atty. Oscar Moreno sa paghawa ni Inday Sara sa gabinete ni Pres Bongbong Marcos.
Namahayag ang kanhi mayor sa dakbayan nga dili epektibo ang pungko nga kalihim sa DepEd kon ang buyukrasya ang dugay nang depektoso.
Hinoon,wala maangayi ni Moreno pagbalhin-balhin sa DepEd school calendar nga nakahatag kahasol sa mismong mga estudyante,ilang mga ginikanan ug sa mga magtutudlo.
