Dili kaliwatang Duterte ang problema sa Pilipinas. Kini ang pahayag ni Vice Pres Sara Duterte atubangan sa mga kababayang-Pilipinhon nga tuyong midalikyat sa International Criminal Court headquarters sa The Hague,Netherlands.
Kini aron ipaabot ang ilang suporta kang kanhi Pres Rodrigo Duterte sa gisagubang nga pagsulay niini diin siya gikasuhan sa crime against criminality sa iyang mga kritiko sa Pilipinas gamit ang isyu sa war on drugs aron gipatawag siya sa ICC.
Miingon si VP Sara nga nagpaabot suporta sa ilang amahan nga kawad-on,kapobrehon ug daghan pang uban ang nag-unang mga suliran sa Pilipinas apan wala nagsumikad sa mga Duterte.
Nagkomedya pa kini sa pagsulti nga kung magka-problema man sila kabahin kaniya,kini tungod sa dala niya nga kaanyag.
Apan seryoso si Inday Sara sa pag-ingon nga unta susama sa Netherlands ang Pilipinas ka malambuon aron wala na’y mga Pinoy nga mangdayo aron makakita sa maayong trabaho.
Dumduman nga gusto ni VP Sara nga personal saksihan ang ICC pre-trial sa iyang amahan kuyog sila Senator Robinhood Padilla ug ang pinangita sa kamarabaha nga si Atty Harry Roque.
