Gipadayag sa PDP Laban representative nga si Atty. Franklin M. Quijano ang kabalaka nga posibleng gipangandaman ang pag-isyu og mugshot ug pagdakop batok kay Vice President Sara Duterte aron pakaulawan ug gubaon ang lider nga nangahas nga mobarog sa nasod.
Hinuon, giklaro sa iyang mga legal counsel nga boluntaryong miatubang kagahapon ang bise presidente sa Quezon City Regional Trial Court diin nagsumite kini og kaugalingong pictures ug nagpapatag og fingerprints alang sa booking procedure imbes nga kuhaan og opisyal nga mugshot sa pulis.
Gipasabot sa korte nga dili na kinahanglang posasan o dakpon ang bise presidente tungod kay boluntaryo man kining miatubang sa korte nga nagpagawas sa warrant ug opisyal nga nakapyansa og 360,000 pesos.
Busa, nanghinaot si Quijano ug ang kampo sa bise presidente nga magmatngon ug molihok ang katawhan alang sa pagpanalipod sa demokrasya ug saktong legal process sa Pilipinas.
